محمد الزبط
 
الرئيسيةاليوميةس .و .جالمجموعاتالتسجيلدخول

شاطر | 
 

 قصة مضحكة جدا طويلة بس ارجوكم كملوها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسراء الزبط

avatar

عدد المساهمات : 232
تاريخ التسجيل : 25/10/2009
العمر : 26

مُساهمةموضوع: قصة مضحكة جدا طويلة بس ارجوكم كملوها   الأربعاء نوفمبر 11, 2009 4:10 pm

كان يا ما كان في قديم الزمان، ملك عنده ثلاث بنات.
حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك .

البنت من غير تفكير : بحبك قد ما السمك بحب البحر .

الملك فكر وقال في باله : ايهو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجة . وقام اعطاها قصر كبير ومجوهرات .


جاب البنت التانية وسألها نفس السؤال . فقالتله : بحبك قد ما الطير بحب السما . انبسط الزلمة وكيف . واعطاها قصر جنب اختها ومجوهرات

بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة

الزلمة زعل وعصب وقام لفحها كف. ومسكها من شعرها وزتها برة القصر. وما رضي يسمع منها ولا نص كلمة. البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .


ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح وداب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قالبفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة...

مرته مش خافي عليها الصوت ........ قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة

بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟



وفجأة اتذكر بنته الصغيرة وصار يعيط زي الهبايل . قاله الزلمة :. شو مالك يا زلمة

انت العاقل . كل هاد مشان شوية دقة ( زعتر يا جماعة ) هسة الجاج بخلص . قلعطتني ( هاي ما بدها شرح ) . شو. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك يا فالح . ؟؟؟؟؟؟؟



وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد


واعطاها قصرين ومجوهرات و سوبر ماركت و كروز دخان وشغل جوزها ضريب مواس عنده

وتوته توته خلصت الحدوتة....


هذه القصة ملطوشة ..............


sosai
الرجوع الى أعلى الصفحة اذهب الى الأسفل
oday alzabat

avatar

عدد المساهمات : 255
تاريخ التسجيل : 21/10/2009
العمر : 26

مُساهمةموضوع: رد: قصة مضحكة جدا طويلة بس ارجوكم كملوها   الأربعاء نوفمبر 11, 2009 5:19 pm

حلوة كتير
الرجوع الى أعلى الصفحة اذهب الى الأسفل
yasmeen

avatar

عدد المساهمات : 148
تاريخ التسجيل : 11/10/2009
العمر : 24

مُساهمةموضوع: رد: قصة مضحكة جدا طويلة بس ارجوكم كملوها   الخميس نوفمبر 12, 2009 1:58 pm

هههههههههههههههههههه شو هالقصة العجيبة ههههههه حلو كتير سوساي
و مبرووووووك عشان اخيرا نزلتي موضوع عالمنتدى Cool Cool Cool Cool lol!
الرجوع الى أعلى الصفحة اذهب الى الأسفل
اريج

avatar

عدد المساهمات : 135
تاريخ التسجيل : 29/10/2009
العمر : 22
الموقع : www.momzbt.yoo7.com

مُساهمةموضوع: رد: قصة مضحكة جدا طويلة بس ارجوكم كملوها   الجمعة نوفمبر 13, 2009 6:55 am

اشي فاخر من الاخر يا سوساي حلوة كتييييير
الرجوع الى أعلى الصفحة اذهب الى الأسفل
Admin
Admin
avatar

عدد المساهمات : 198
تاريخ التسجيل : 02/10/2009
العمر : 38
الموقع : http://www.mobileey.com

مُساهمةموضوع: رد: قصة مضحكة جدا طويلة بس ارجوكم كملوها   الجمعة نوفمبر 13, 2009 7:07 am

القصة حلوة بس لو يصحلنا كروز دخان .....

_________________

ابو صهيب
الرجوع الى أعلى الصفحة اذهب الى الأسفل
http://www.mobileey.com
اسراء الزبط

avatar

عدد المساهمات : 232
تاريخ التسجيل : 25/10/2009
العمر : 26

مُساهمةموضوع: رد: قصة مضحكة جدا طويلة بس ارجوكم كملوها   الجمعة نوفمبر 13, 2009 7:17 am

هاد من زوقكن يا جماعة والله يحلي ايامكن ويا جماعة حرام خلونا نتشارك مشان نجيب لمحمد كروز دخان

sosai
الرجوع الى أعلى الصفحة اذهب الى الأسفل
اسراء الزبط

avatar

عدد المساهمات : 232
تاريخ التسجيل : 25/10/2009
العمر : 26

مُساهمةموضوع: رد: قصة مضحكة جدا طويلة بس ارجوكم كملوها   الجمعة نوفمبر 13, 2009 8:02 am

والله يبارك فيكي ياسوز ان شاء الله الي الامام ومنكم نستفيد

sosai
الرجوع الى أعلى الصفحة اذهب الى الأسفل
 
قصة مضحكة جدا طويلة بس ارجوكم كملوها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محمد الزبط :: زاوية الفكاهة-
انتقل الى: